English, Middle, Wycliffe - 1395 |
Thes ben the meyneis of the lynage of Ruben, whos noumbre is foundun thre and fourty thowsandes seuen hundrid and thretti. 8-9 The sone of Fallu of Heliab; of this the sones, Namuel, and Datan, and Abiron. Thes ben Dathan and Abyron, the princes of the puple, that rysen ayens Moyses and Aaron, in the dissencyoun of Chore, whanne ayens the Lord thei rebelden, 10 and the erthe openynge his mouth, deuowride Chore, diynge many, whanne the fier brente two hundrid and fifti men; and a greet myracle was done, 11 that Chore perishynge, his sones pershiden not. 12 The sones of Symeon bi her kynredes; Namuel, of this the meyne of Namuelitis; Jamyn, of this the meyne of Jamynytees; Jachym, of this the meyne of Jachymytis; Zare, of this the meyne of Zarenytis; 13 Saul, of this the meyne of Saulitis. 14 Thes ben the meynees of the lynage of Symeon, of whom al the noumbre was two and twenti thousandis and two hundrid. 15 The sones of Gad bi her kynredes; Sephon, of this the meyne of Sephonytis; Aggy, of this the meyne of Aggitis; Sumy, of this the meyne of Sumytis; Ozny, of this the meyne of Oznytis; 16 Hery, of this the meyne of Hereytis; Arod, of this the meyne of Aroditis; 17 Ariel, of this the meyne of Aryelitis. 18 Thes ben the meyne of Gad, of whom al the noumbre was fourti thowsand and fyue hundred. 19 The sones of Juda, Her and Onan, the whiche both ben deed in the loond of Chanaan. 20 And there weren the sones of Juda bi his kynredis, Sela, of whom the meyne of Selaytis; Phares, of whom the meyne of Pharesitis; Zare, of whom the meyne of Zareitis. 21 Forsothe the sones of Phares; Esrom, of whom the meyne of Esromytis; and Amul, of whom the meine of Amulitis. 22 Thes ben the meynees of Jude, of whom al the noumbre was seuenti thowsynd and fyue hundrid. 23 The sones of Ysachar bi her kynredis; Thola, of whom the meyne of Tholaytis; `Phua, of whome the meyne of Phuaytis; 24 Jasub, of whom the meyne of Jasubitis; Semram, of whom the meyne of Semramytis. 25 Thes ben the kynredis of Ysachar, of whom the noumbre was foure and sexti thowsandis and thre hundrid. 26 The sones of Zabulon bi her kynredes; Sared, of whom the meyne of Saradites; Helon, of whom the meyne of Helonytis; Jalel, of whom the meyne of Jelelitis. 27 Thes ben the kynredis of Zabulon, of whom the noumbre was sexti thousynd and fyue hundrid. 28 The sones of Joseph bi his kynredis, Manasses and Effraym. 29 Of Manasse `is commen Machir, of whom the meyne of Macherytis. Machir gat Galaad, of whom the meyne of Galaditis. 30 Galaad hadde sones; Yezer, of whom the meyne of Yezerytis; and Helech, of whom the meyne of Helechitis; 31 and Ariel, of whom the meyne of Arielitis; and Sechem, of whom the meyne of Sechemytis; 32 and Semyda, of whom the meyne of Semydaytis; and Epher, of whom the meyne of Epherytis. 33 Epher forsothe was fader of Saphaad, that had no sones, but oonli douytres, of whom thes ben the names; Maala, and Noha, and Egla, and Melcha, and Thersa. 34 Thes ben the meynees of Manasse, and the noumbre of hem two and fifti thowsand and seuen hundryd. 35 The sones forsothe of Effraym bi her kynredis weren thes; Suthala, of whom the meyne of Suthalitis; Bether, of whom the meyne of Betheritis; Theen, of whom the meyne of Theennytis. 36 Forsothe the sone of Suthala was Heram, of whom the meyne of Heramytis. 37 Thes ben the kynredis of the sones of Effraym, of whom the noumbre was two and thretti thowsand and fyue hundrid. 38 Thes ben the sones of Joseph, bi his meynees. The sones of Beniamyn in his kynredis; Bale, of whom the meyne of Baleytis; Asbel, of whom the meyne of Azbelitis; Ahiram, of whom the meyne of Ahyramytis; Suphan, of whom the meyne of Suphanytis; 39 Huphan, of whom the meyne of Huphanytis. 40 The sones of Bale, Hered, and Noeman; of Hered the meyne of Heredytis; of Noeman the meyne of Noemanytis. 41 Thes ben the sones of Beniamyn bi his kynredis, of whom the noumbre was fyue and fourti thowsand and six hundryd. 42 The sones of Dan bi his kynredis; Suhan, of whom the meyne of Suhanytis. Thes ben the kynredis of Dan bi his meynees; 43 alle weren Sunanitis, of whom the noumbre was foure and sixti thowsynd and foure hundrid. 44 The sones of Aser bi his kynredes; Jemma, of whom the meyne of Jemmanytis; Jesuy, of whom the meyne of Jesuitis; Brye, of whom the meyne of Brieytis. 45 The sones of Brye; Haber, of whom the meyne of Haberytis; and Melchiel, of whom the meyne of Melchielitis. 46 The name forsothe of the douyter of Azar was Sara. 47 Thes ben the kynredes of the sones of Aser, and the noumbre of hem foure and fyfty thowsand and foure hundryd. 48 The sones of Neptalym bi his kynredis; Jesyel, of whom the meyne of Jesyelitis; Guny, of whom the meyne of Gunytis; 49 Jeser, of whom the meyne of Jeserytis; Sellem, of whom the meyne of Sellemytis. 50 Thes ben the kynredis of the sones of Neptalym bi his meynees, of whom the noumbre was fyue and fourti thousyndis and foure hundrid. 51 This is the summe of the sones of Yrael, that ben noumbred, six hundryd thowsand and a thowsand and seuen hundrid and thretti. 52 And the Lord spak to Moyses, seiynge, 53 To thes shal the loond be dyuydid, aftir the noumbre of the names into her possessiouns; 54 to the moo the more part thow shalt yyue, and to the fewer the lasse; to eche as thei ben noumbred shal be take the possessioun; 55 so oonli that lot dyuyde the loond to the lynagis and meynes. 56 What euer thing bi lot falle, that othere mo taken or fewe. 57 This forsothe is the noumbre of the sones of Leuy bi her meynees; Gerson, of whom the meyne of Gersonytis; Caath, of whom the meyne of Caathitis; Merary, of whom the meyne of Meraritis. Thes ben the meynees of Leuy; 58 the meyne of Lobny, the meyne of Ebron, the meyne of Mooli, the meyne of Musy, the meyne of Chory. And forsothe Caath geet Amram, 59 that hadde a wijf, Jochobeth, the dowyter of Leuy, that is bore to hym in Egipte. Thes geet to hir man Amram sones, Aaron, and Moysen, and Mary, the sistir of hem. 60 Of Aaron ben comen forthe Nadab, and Abyu, and Eleazar, and Ythamar; 61 of whom Nadab and Abyu ben deed, whanne thei hadden offred alien fier before the Lord. 62 And alle that ben noumbred weren thre and twenty thowsynd of maal kynde, fro o moneth and aboue, the whiche ben not noumbred amonge the sones of Yrael, ne to hem with othere is youen possessioun. 63 This is the noumbre of the sones of Yrael, that ben discryued of Moyses and Eleazar, the preest, in the wijld feeldis of Moab, vpon Jordan, ayens Jerycho; 64 among whoom noon of hem was that before ben noumbred of Moyses and Aaron, in the deseert of Synay; 65 the Lord forsothe seide before, that alle thei shulden dye in wildernes, and noon of hem abood but Caleph, the sone of Jephone, and Josue, the sone of Nun. |
